قصة حقيقيه وحزينه عن بنت بويه.(قصه واقعيه 100%)
خليني احكيلكم عنها في فترة المدرسه:
كانت الها شعبيه كبيره والكل كان يعرفها وكانت محبوبه من كل بنات المدرسه ....وكانت في مجموعه تكرها او تغار منها لانها بنت لها شعبيه كبيره...
كانت لما تدخل المدرسه الكل كان يطلع فيها (يطالعها)
وكانو يركضو عليها صاحباتها ويضموها ويصبحو عليها كانو تقريبا 15 بنت (هاي الشله)....
وكانت من حد دخولها المدرسه لحد ما يرن جرس الطابور والبنات يصبحو عليها وحده وحد ......
وحتى في بنات يصبحون عليها ويضموها وهي ما بتعرف اسمائهم حتى فما كانت تحب اتخجلهم (تحرجهم ) وتمشي الموضوع.....
وفي هاي الفتره ما كانت بويه فيكم تحكو عربجيه ...(حسن صبي هههه)
وكانت تمشي مشيه حلوه والكل يحبها ويحكيلها مشيتك زي معتز الي في باب الحاره فهي ما كانت تعلق وتكتفي بأبتسامه ....لانها كانت تتعمد هاي المشيه لانها بتعطيها هيبه (يعني حضور ووزن) .
كانت عصبيه بس طيبه وما كانت متكبره كانت متواضعه
وتجكي مع كل البنات من جميع الفئات ...ولا مره حدا طلب منها طلب ورفضت واي حدا يضحكلها تضحكلو ...
بس كانت مشكلجيه(بتحب الطوش ) اي مشكله في المدرسه او مع معلمه او مديره واو طالبه هي طرف فيها ...
(احيانا كانت تكون طرف خير في المشكله يعني هي الي تفرق بين البنات وتصاحهم على بعض)
كان الها القاب كتير...مثل ابو عرب و معتز بس كان لقبها الي الكل يناديها في هو (ابو حطه) لانها اغلب الاحيان بتكون لابسه الحطه (الكوفيه )الفلسطينيه....
في الصف العاشر(اول ثانوي):
كانت مديرة المدرسه تكرها ومالهاطايقتها اساسا في كل المدرسه ...لانها ما كانت تحترمها ولسانها طويل وما كانت عامله لمديره اي قيمه ...اذا المديره بتحكي كلمه كانت تردها عشر كلمات.
فقررت المديره تخلط الشعب(يعني تجيب شعبه أ وتخلطها مع شعبه ب في كل صف) .
ولما حان دور صف ابو حطه دخلت المديره على الصف وهي بتضحك ضحكه صفر وقالت :يلا ابو حطه شرفنا على الباب.
ابو حطه :خير انشالله وشو عملت حلمره كمان.
المديره :لا بس حبيت انقلك نقله أبديه.
ابو حطه : انتي قلتي انك بدك تخلطي الصفوف عشان يتحسن مستولى الشعب وبما انو شعبتنا اشطر من الشعبه التانيه لازم توخدي من البنات المتفوقات مش انا.
المديره :انتي سوسة هاد الصف ولازم نشيل هاي السوسه عشان الصف يكمل....وقالت يلا تعالي عصف التاني.
البنات شهقو وقالو لا يا انسه (معلمه )خدي اي وحد فينا بس خليها عنا .
المديره:اخرسو وكل وحد مطرحها .(جب ولا كلمه)
ابو حطه : طيب ماشي هيني جاي بس العين بلعين والسن بسن والبادي اظلم....
المديره : وهي بتضحك منشوف
ابو حطه :وهو بيحكي من راش انفو(الخشم) هيني جاي بس بدي اودع صاحباتي (ربعي)
المدير : طيب مش مشكله بس ما طولي وطلعت برا .
وراح ابو حطه عند اللوح وقال مش مشكله بنات راح اشوفكم على الفرصه (الاستراحه) او على الرواح (وقت ما يخلص الدوام ) وصارت تودع فيهم وحده وحد والبنات كانو بيكو (يعيطو )بحراره ويضموها ...
طبعا ما قدر يتحمل ما يبكي معهم وصار يبكي بحراره معهم
وطلعت على الشعبه التانيه وهي تحكي راح نضل اصحاب ولا راح حدا يفرقنا مهما عملو ماشي ...
البنات صارو يصرخو الله معك حبيبنا ابو حطه وراح ضل شعبتك هي (ب) مش (أ) .
وانتو بتعرفو كيف الشعب دايما بيكرهو بعض ...
كانت تبكي بس لما دخلت حاولت تتماسك ودخلت وقالت المعلمه :هلا ولله اتفضلي اختاري اي مقعد بدك اياه
ابو حطه: ضل ساكت وتطلع (وطالع )في المعلمه نظره كلها غضب.
المعلمه خافت من هاي النظره وحاولت اتلااضيها وتقولها :ليش زعلانه مأنتي كل المدرسه صحبتك
وقامت كم بنت وقالت خليها تيجي عندي ...
وبحكم انها طويله جلست في المقعد الخلفي ....وضلت ساكته مين ما يحكي معها ما ترد ولما المديره دخلت ما وقفت والمديره طنشتها ...
وكانو صديقاتها في الصف ما وقفو بيكي (اعياط)
وحاولو يتكلمو مع المديره عشان ترجعها ومع المرشده بس علفاضي...
ودخلت سوسن عصف (وحد من شلة ابو حطه ) وقالت ابو حطه راح وما راح يرجع بس مكانو راح يضل محفوظ ولا حدا راح يقعد على مقعدو والبنات لما سمعو زاد بكائهم زياده...وفعلا ولا حدا قعد في مقعدو والخرابيش والروسمات وما مسحوها عن الدرج وحطو الحطه الي كان لابسها على الكرسي وكتبو على الرج (ابو حطه هنا ان لم يكن جسدا فهو هنا روحا)وكل بنت كتبت تعليق مثل (يابو الكوفيه )(love u) (يامتعبهم ) (امير الصف ) ومن هل الحكي ..
وقبل نهاية الدوام بربع ساعه دخل ابو حطه الصف وقال لمعلمه ممكن ادخل وكانت هاي المعلمه تحب ابو حطه وقالت تفضلي ولو
البنات قامو يركضو لعندها ويضموها وسحبوها من ايدها على مقعدها ولما شافت الي كتبوه على الدرج امتلت عينها دموع وصارت بكي بحراره وراحو البنات وضموها وصارو يبكو معها والمعلمه لما شافت الموقف صارت تبكي معهم ..
وبعدها ....وبدون سابق انظار طلع ابو حطه يركض وراح على غرفة المديره وصارت تصرخ وتس المدرسه والمديره وقامت المديره وهي حاولت تطردها وابو حطه دفشها على الكرسي واخدت اتظار وفصل تلات ايام.....
انتظرو الفصل الثاني الي صار ففي تطورات كبيره (ولا تحرمونا من ردودكم) واتمنا تعجبكم