اشوف اشلون تمنعني

أنا لو سلهمت عينك بعيني قلت لك ( نفـداك )
أنا داخل بوجه الله ووجهك لاتضيعني


انا من وين ماوجهت وجهـي فـي الوجيه ألقاك
أحس انك تبعثرني ولا ادري كيف تجمعني


أجي لك شرق يسرقني جنوبك وانسحب مناك
وأجي لك غرب يسرقني غروبك وانت تسرقني


انك معي دايم واتوه بعالمك واحياك
وافوق احيان واتسائل لك الله كيف سخرني ؟؟


تفاخر ( لعنبوا غيرك ) ترى غيرك يموت اهناك
وربي ينتظر كلمه وأصد وهو يكلمنـي


ومادام الله عطا لك شي فاشكـر واغتنم ماجاك
ومادام اتشوفني ساكن نصيحه لاتحركني


أنا لو قلت لك بانسى ورب البيـت صدق انساك
لذا لو شفتني بانسى فانا طالبك تمنعني


واذا قررت تمنعني وشفت ان القرار أعياك
ما بيك اتقول وش تبغى ترى والله تضايقني


انا أبغى ؟؟ قول وش ما ابغى على بعضك كذا أبغاك
ولعيـونك باخربها واذا مجنون قيدنـي


أبيه ايصير في عيني منامك والرموش اغطاك
وأبيه ايصير في عينك منامي وانت تسهرني


أبي حبك وأبي قربك وأبي ( لبيه ) يالباك
أبي ضمك وأبي شمك وأبي لو طلت تجرحني


أبيك ان قالوا الشاعر تقـوم اتفز دون ادراك
أبيك اتحس بي دايم أنا اقصد وانت تسمعني


وقل مجنون لايسمع ولا يفقه وانا اتحداك
ايلا مني نويت انسى باشوف اشلون تمنعني

سلمت اناملك الذهبيه على ماخطته لنا
يافوفو

يسلموووووووو ع مرورك الناااااااايس أروج