قصيدة شفتك بعد غيبه للشاعر حمد البريدي

.!

السلام عليكم ورحمة الله وبركاته

صباح الخير

هاذي ابيااااات
للشاعر القطري

حمد البريدي المري

شفتك بعد غيبه .. وحاولت احاكيـك
مهوب من قلبي ولا مـن جراتـه !!
بغيت اقول / فلان وازريـت اناديـك
وكني سمعت اسمـي معـا لالتفاتـه
فزيت من نومي وانا اقـول لبيييـك
وآثرك رويا .. فـي منامـي وجاتـه
صفقت كف .. وقلت يا حلم يشوويك
جددت لي جرح ٍ هنـى فـي مباتـه
يا اللي شريت البعد .. ما غاب طاريك
حتى لو ان البعد .. سـوى سواتـه
مهوب محزني .. على حاجـةٍ فيـك
إلا إن قلبي شايـف ٍ بـك غناتـه !!
كن الطيوف تقـول وشحـال غاليـك
وآقول راح .. وما بقـى الا غلاتـه
لو ان ما جانـي مـن الهـم ياتيـك
كان المصلي ما حفـظ وش صلاتـه
مريت شارعكم .. وصادفنـي أخيـك
واللي قطع كبدي .. حلاتـك حلاتـه
بغيت الخبط من دعايـاه ,, وادعيـك
واسمك وقف بين اللسان ولهاتـه !!
وبغيت اجيب العيد وآقول : يرضيـك
فاللي وصاتي له .. وضيّـع وصاتـه
البعد شيّـب خافـق ٍ ميـت فيـك !!
والى مشى خطوه عثر فـي عصاتـه
مشكلتي / إن قلبـي يحبـك ويغليـك
ومشكلتك / انك شخص عايش حياته
كثر الجفا .. نار .. وحطبها تغليييـك
خف الحطب .. لا تزيد نار الشماتـه
إن ما احزنك جرح ٍ برجواه يدعيـك
ما عاد تفرق .. عيشته مـن مماتـه
قلبي وعمري .. كلها بيـن اياديـك
العمر فدوه .. لكن القلـب هاتـه !!
وإن ما بغيت ترد قلبي مـا اوصيـك
احسن عزاه .. الى دريـت بوفاتـه

وسلمتكم

يعطييك الف عاافييه

يسلموو على الطرح الرآآقي و المميز

» بـــحــــة الشوق قصيدهـ للشاعر محمد جارالله السهلي
» اتحملك .. للشاعر محمد المجول العجمي فعلا قصيده رائعه
» شفتك مَعَ غيري / وتمنِّيت :ما شفت>>
» ( سيرة ذاتية للشاعر المصرى محمود مغربى )
» الشاعر حمد البريدي بفارقك