قصة ( حتى الشــــ ||ــقا منك رافقة وحبيت ...)

*
*


افي اجواء الرياض الحاره
التي احبها سكانها رغم حرارتها
في بيت ملته السعاده والحب
بدت قصتنا
>>>>>
رهف:صباح الليل
ام فايز:توك تقومين
رهف:ماما لازم هاالاسطوانه تعيدينها
محمد رمى رهف باالمخده:ماتستحين تكلمين ماما كذا
رهف كشرت:انتم كله تتأمرون علي وتكرهوني فديت باباتي انا
ابوفايز توه جاي من العمل ركظت رهف وحبت راسه:تعبان
ابوفايز:اي والله جيبي لي مويه
رهف تحط يدها على عيونها:من عيوني
ابوفايز:الله يوفقك
انا ماادري على منهو طالعه لويقيه هاالبنت
ام فايز:فرحان فيها مره لاتموت بس تراها الاقشرى
ابوفايز:تغارين من بنتك
محمد:شبوهاا
ابوفايز:صدق ماتستحي ويرمي عليه الوساده
محمد وهو يرفع يدينه للسما:حط حيلهم بينهم ياربي
فسخ ابوفايز شوزه يهدد محمد الي انحاش بس رجع على رجعه رهف باالكاس
نزلت سلامه اخت رهف الكبيره ام عيون عسلي وشعر اشقر قصير وطول متوسط وبياض اضفى عليها نوع من الجمال الاوربي من فوق:ياربي فشلتوني عند فارس اللحين وش بيقول اهلها يتضاربون
رهف:تراه ولد عمتي يعني عارف كل شي ليه مكبره السالفه
محمد بيحرجها:رهف عاد انتي إذا كلمك سلطان ماودك يسمع هاا......
وقبل مايكمل كلامه طبت بحظنه تكفيخ :لاتجيب هاالطاري
وقام وهو يضحك بينحاش عنها
سلامه:خلك عنه رهفوه
تو دقت جواهر تقولي انها متضاربه مع فايز وانها قالت حطني ببيت اهلي من باب التغلي
رهف: طب ليه متطاقين
سلامه:عشان سالفه الحمل لأنها تقول ان فايز يحط العيب منه وهومنها
رهف:طيب هاالغبي مافهم انها تتغلى
سلامه:نو
رهف :زين دبريها
دخل فايز بهااللحظه وهو الاخ الاكبر فايز يشبهه سلامه بشكل كبير يعني نفس الملامح خشم صغير وعيون كبار وفم صغير
وطوله متوسط بعكس اخوه محمد اللي طويل وصاحب جسم رياضي من كتوف وعضلات وتقسيمات وجهه يشترك فيها هو ورهف قريبين من السمره عيون مكحوله سودا
برموش كثيفه وخشم طويل رزه
وفم مليان صغنون كرزي
رهف شعرها طويل
ومموج
فايز:السلام عليكم
الكل :وعليكم السلام
ام فايز:وشفيك ياولدي عسى ماشر
فايز :الشر مايجيك لابس تعبان شوي ثم حط راسه على رجول امه اللي قامت تهمز راسه وهي عارفه همه
محمد:لاه جا كل الدلع
تررررررن
محمد:الوه
ساره:هلا حمود وشخبارك
محمد بضيقه:والله زفت
ساره:عادي تكبر وتنسى
محمد:لاه
ساره : ايش
محمد بتنهد:اكرهك
ساره تسوي نفسها ماسمعت:وين رهف
محمد رمى السماعه
طبعا عرفت رهف من اللي داقه ومن اللي يعفس كيان محمد
رهف:هلو
ساره:مرحبا
رهف:كيفك ياقشطه
ساره: بدون مقدمات بكره بتجي جدو وجدتي وعمتي لطيفه وبناتها وعمتي العنود
بين قوسين كل عماني تعالو بكره عندنا
رهف: اوكي يعني الكل راح يجتمع
ساره: لحظه .....
هلا سلطان وش بغيت
سلطان: من تكلمين
ساره: مو نوره
سلطان :سووير عن المصاخه
ساره: رهف
سلطان ابتسم ورفع حواجبه
ساره: لا لا يالله روح
رهف تحترق تبي تعرف وش سالفه سلطان
ساره:اسمعي سلطان يمكن يجيبني عندكم
رهف: والله وناسه
سلطان:ساره خمس دقايق ان مانزلتي باي
ساره: باي رهف باي
سكرت رهف وهي فرحانه
محمد: خير
رهف: سو سو بتجي عندنا
سلامه: حلو
محمد: انا استأذن وراي اشغال
رهف وهي تقصر صوتها لأخوها: والا التحليه اليوم مليانه
ضحك محمد وسفهها وراح
سلامه قعدت جنب فايز باالارض وهو مغمض عيونه
سلامه: فايز ليه ماتجيب جوجو
وتقعدون عندنا كم يوم
فايز وهو مكشر:تبي اهلها
سلامه تطالع رهف تترجاها تدبر هالغبي
رهف: فايز تعال مو جواهر تحب تروح معنا
فايز اشر براسه ايه
رهف الملكعه تبي تضرب عصفورين بحجر:اجل وش رايك تجيبها ونروح نتغدى سوا والا وش رايك ماما
ام فايز: انا بتغدى انا وابوك
رهف تغمز لا ام فايز انها تأيد كلامها
ام فايز: يالله ونعم الراي رهف
فايز: زين بدق عليها
سلامه: لاتشاورها دق وقل انا عند الباب
فايز يعرف ان سلامه فاهمه جواهر زين لأنها بنت جيرانها وصداقه عمر
وسلامه هي اللي كانت توصل كلام جواهر لفايز وفايز لجواهر ايام ماكانو يحبون بعض قبل الزواج فعشان كذا كان واثق برايها
>>>>> البارت الثاني<<<<<<<
الو
خمد فايز من يوم يسمع هاالحس يضيع بعالم ثاني
جواهر: معي فايز
فايز: اي انتي.... صح مارحتي بيت وحده من خواتك
جواهر:لا
فايز :زين انا بجيك نلف شوي
الجو حلو
جواهر: ثواني
.........................................
دخلت السياره
جواهر: هلا
فايز ساكت ومقطب حواجبه
جواهر مستناسه لانها عارفه التخطيط من سلامه
جواهر: وشدعوه للحين زعلان
سكت فايز ويكتم عبرته
مسكت جواهر يده: قلبو
طبعا ماعاد قدر يتحمل:نعم قلبو فيه زياده عذاب
ضحكت جواهر:حلو اقتراح سلامه
فايز وبدى يبتسم:ماشاء الله اخبار اول بأول
جواهر ضغطت على يده
فايز: ترى معد اعرف اسوق اتعذب
ضحكت جواهر
وصلو للبيت بعد وصول ساره اللي كانت هي والاخت رهف مايتغطون عن عيال عمهم
فايز داخل والضحكه شاقه وجهه
رهف وهي تتمتم (يعني بصوت واطي) :الحب يسوي اكثر
ابتسمت سلامه ثم نغزتها
ساره: الحب عذب قلوب البعارين
حتى الحمير السود يلعن جدفها
فايز وهو يرفع حاجب: سوير اعترفي وش كنتي تقولين لرهف
ساره: هذا بدل ماتقول يالله حي ساره نورت صدق ان ماعندك سالفه
فايز: لاه
ترى ان نطقتي بحرف تغدينا باالمطعم الصيني
ساره: نو بليز تعذبني
ضحك فايز:محمد ماراح يروح معنا
سلامه: لا طالع مع حمدان ولد عمي
ساره: طالع مع حمدان الدوب وانا اقول وين حمدان وادق يقولي رايح المكتبه
جواهر:ههههههههههه الله يرجك ساره ناشبه له
فايز بنظرات ناعسه:دوم هاالضحكه
رهف:ياعيني على الغزل يالله مشينا
----------------
طلعو وراحو لمطعم اشجار الريف وبعدين راحو يتمشون بفانتزي لاند ومارجعو الا الساعه 10
دخل محمد
فايز: انتظر حرمنا هنا
تغطت جواهر
اما سلامى كانت اخت حمدان من الرضاعه يعني تفتش على اخوان ساره كلهم
محمد: ياولد
ام فايز: تفضل
دخل محمد وحمدان
حمدان: سارووه كش عليك لاحقتني بكل مكان
كشرت ساره وبانت غمزاتها اللي خلت محمد يذوب
ساره: ماأحبك قاعد تكذب علي
حمدان: وش اسوي لك نشبه انتي قلت لسلطان يجيبك احمدي ربك
ثم ابتسم ولف على القاعدين:
هلاوالله وشخباركم
ام فايز وهي تضحك على هباله هاالولد: تمام وشخبارك انت
حمدان: احد يشوف هالوجيهه السمحه ويكون تعبان
قعد محمد على جنب وهو ساكت
والكل كان يسولف مع حمدان الخبل اللي قام يقلد العجز
لفت عليه ساره وهذا اخر شي تمناه محمد لأنها قطعت عليه احلى لحظات وهو يتأملها ويتخيل انه يجمعهم بيت واحد
ساره بهدوء: وشفيك
محمد: تعبان
ساره: سلامتك بس مو باين عليك
محمد وهو يأشر على قلبه: موانا هو
ساره فهمت عليه ولفت يبي يلعب علي يبي اخليني احبه بس بعد ايش؟!
رهف نغزت ساره
وراحت ساره من سرحانها
حمدان: ساره بترجعين البيت معي
ساره وهي تضحك: بدري عليك بنام
حمدان: بكره عندنا عزيمه
ساره: البركه فيك وفي اخوك سلطان ولايهون التؤم حسام وبسام
ضحكو كلهم
حمدان مسك شعرها ومعطه وهو يمزح: بتقولي ايه يا مأصوفت الرقبه
ساره: خل شعري حمداني
حمدان ضحك وطلع
ساره كانت تزنن بنت دبدوبه
وبيضاء وشعرها اسود طويل وسايح وتحس انها ملح وبيبي فيس
-------- البارت الثالث-------
طلع فايز وحرمته وسلامه راحت تكلم فارس
رهف: ساروه تعالي بسرعه بوريك بغرفتي شي خطير
ساره: بروح اشرب مويه
رهف حست انها فرصه محمد عشان يكلم ساره
راحت ساره للمطبخ وتأخذ كاس
انفتح باب المطبخ بهدوء وطل بوجهه محمد
ساره: بسم الله كنك حرامي يالدوب
محمد نزل راسه: ساره مانويتي تنسين
سدت ساره اذنها: انا ما اسمع انسى انا نسيت
محمد: بس انا مانسيت ونادم
مشت ساره عنده
مسكها لفت عليه: انسى
وراحت فوق بسرعه
دخلت ومسكت قلبها: اكرهه
لفت رهف: وش صار
ساره : انا خلاص كبرت ونسيت ليه مو راضي ينسى
رهف: ينسى على كيفك
ساره: صدقيني رهف يبي يلعب بمشاعري رهف محمد كذاب
تنهدت وهي تتذكر اليوم الي كان يحزن بالنسبه لها
كنت بااولى متوسط
ومحمد بثاني ثانوي
يوم دخلت على محمد ومعه خالد ولد عم نوره بن
عمتي لطيفه
ومعي ورده حمراء وحطيتها
محمد: وش هذي
ساره: ورده حمرا
محمد:!!!!!!
قلت بغصه وشسوي احبك
فجر محمد بلحظتها ضحكه وكمل لعب بلاي ستيشن ورمى وردتي العزيزه ركظت وانا اصيح
عند مسبح جدتي اليما جا خالد وقالي: ساره انا احبك اخذ الورده
انا بكل حزن: وانا بعد ليه يضحك محمد
خالد: عشانك صغيره عليه انا وياك نتناسب وش رايك

اخ قتل كل ذره رومانسيه
رهف: ساره خلاص انسي السالفه بعدين تعالي لايكون يعقوب حبي شافكم
ساره: ها لا لا
رهف: صدق انك مهبوله انا على قد ماقعدت مع يعقوب ماسويتها
ساره: تعالي انتي للحين تكلمين يعقوب
ضحكت رهف: انتي مجنونه من بعد ماكشفتني عمتي العنود وانا خلاص حرمت وغيرت رقم جوالي
وانتي قطعتي من خالد
بالماسن
ساره: قلت له كانك تبيني بيت اهلي موجود نوره كل يوم تدق تقول خالد يسلم عليك هع
رهف: يعقوب ماراح يقول ابدا لنوره تسلم علي تخيلي تدري اني كنت اكلمه خلك عن الحب وبلاويه بسألك ذاكرتي
ساره: باقي ثلاث اسابيع
رهف: توجيهي يابنت تذكري
ساره: خلاص بنام تراني تعبانه حدي
دخلب سلامه وهي محمروجهها:هلا لاتنامون
ساره وهي تلف وجهها: تحلمين روحي اسهري مع الفارس
سلامه: ياحبيله بس
ونامت معهم سلامي الساعه 10 قامت ساره ماتعرف تنوم ببيت مو بيتها تروشت وطلعت
لبست برمودا جنز وبلوزه حمرا مرسوم عليها كاوبوي
وجدلت شعرها من فوق
وطلع شكلها خبال
نزلت صباح الخير
ام فايز ومحمد قايمين
ام فايز: يالله انك تحيي هالزول الحلي نجدي والدلع شرقاوي
ساره: شكرا خالتو على الاطراء نردها لك باالأفراح
قعدت وقامو ياكلون
محمد:ساروه طالعه كنك ميري
ساره وهي تضحك لأنها هي وميري نفس التسريحه وقامت تفل شعرها: والله مو عشانك بس اوجعني راسي
محمدوهو ميت:بذمه ماحسيتي بااحراج هاك خشمك
ساره وهي تكش على وجهه وتضحك
اما هو يطالع هالشعر الجميل على هاالوجهه اللي مثل القمر
ساره وتبي تشيل هاالنظرات: محمد تجي نحوس البنات شوي
محمد :لا ماني فاضي
جت ومسكته مع يده عشان تسحبه وهو عجبه الوضع وقام يدلع وشيبي ساره وتترجاه وعينها بعينه يغوص مثل مايبي
والاهم يدينها في حظن يده
بس حس بنظرات امه واستحي انه يزود دلعه :يالله قدام
ورقو فوق
ساره: عندك ببسي
محمد: باالأوفس فهمتك
ساره : بس انا رهف سلامه مااقدر عليها
محمد زين
ودخلو الغرفه وهم يضحكون
ساره بهمس اذا قلت 3 نرمي
محمد وهو يضحك : اوكي
ساره
ترفع يدها وتأشر
1
خذ محمد معلاق ملابس ونغز خصرها ثم ساره تتلوى وتضحك وتهدده بيدها
2
نغزها وطقته
3
كبو الببسي على قومه رهف ركضت ساره للحمام اللي باالغرفه ونكبت محمد
اللي ركض تحت بعد سماع صراخ سلامه: ياحقيييييييييييييييير
رهف عرفت انه محمد وسوسو
فضحكت بس كتمت ضحكتها عشان سلامه معصبه
سوت نفسها ساره كنها طالعه من الحمام: وشصاير
سلامه : حمود الحقير سبحنا ببسي ودخل فايز بعد ماعرف السالفه من محمد
وداخل عشان يطلع ساره يتصرف معاها محمد عشانها سحبت عليه بس ساره اذكى من انه يلعب عليها
فايز: خلاص سلامي والله مايسوى هاالزعل يمزح اجيبه يحبك على نافوخك
رهف تنغز ساره:بخلي اخوي ينتقم يانكبه سحبتي عليه
ساره كانت قاعده على طرف السرير
فايز: حمود تعال
دخل محمد وحب جبهه سلامه ورجع وقف قدامها ووطى على رجل
ساره الي ماقدرت تمسك نفسها من الضحك وهو يوطى ويقرب
وفايز ورهف يضحكون وسلامه ياعمري دخلت تتسبح وأول ماسكرت الباب
انفجرو كلهم ضحك على محمد وساره الخبلان حتى ام فايز اللي كانت عارفه السالفه
ودخلت معهم جواهر وخبروها بالسالفه وراحت ساره جاء سلطان ياخذها.......





أنتظر ردودكم .... <<